السلام عليكم ورحمة لله وبركاته
يومكم سعيد حبيباتي نتمنى تكونو جميع في أحسن الأحوال
ليوم كنقدم ليكم الدجاج محمر بطريقتي
المقادير : دجاجة متوسطة + 2 حبات بصل 1 متوسطة و 1 كبيرة + ربيطة معدنوس + 4 حبات ثوم + نصف م ص ماعمراش سمن + زعفران + شوية زعفران شعرة + نصف م ص سكنجبير + ربع م ص إبزار + ربع م ص كمون + ربع م ص قرفة مطحونة + رشة خرقوم + عويدات قرفة + نصف كأس تقريبا زيت بلدية + ملح حسب الدوق + حفينة زيتون أخضر مقطع + قشرة نصف حامضة مصيرة
الطريقة : كنطحن البصلة المتوسطة مع الثوم والمعدنوس ونضيف عليهم جميع التوابل ونشرمل بيهم الدجاجة وندخل
الشرمولة بين الجلد واللحم وفالفراغ بين الفخد والجوانح وكنعمل ثقوب باش تتشرب مزيان
نخليها تترقد أطول وقت ممكن ونهار كنكون مزروبة كنطيبها مباشرة
كنقلي الدجاجة من جميع الجهات ونعمل فيها ثقوب مرة أخرى ونضيف بصلة مشنفة وغير تدبال نضيف الماء غليان
فجميع وصفات اللحم أو الدجاج أو أي حاجة كيخصها تتمرق كنضيف الماء غليان كيساعد باش تغلي بسرعة والأهم أنه من الأفضل الحاجة لي سخونة تتمرق بماء ساخن
الطريقة : كنطحن البصلة المتوسطة مع الثوم والمعدنوس ونضيف عليهم جميع التوابل ونشرمل بيهم الدجاجة وندخل
الشرمولة بين الجلد واللحم وفالفراغ بين الفخد والجوانح وكنعمل ثقوب باش تتشرب مزيان
نخليها تترقد أطول وقت ممكن ونهار كنكون مزروبة كنطيبها مباشرة
كنقلي الدجاجة من جميع الجهات ونعمل فيها ثقوب مرة أخرى ونضيف بصلة مشنفة وغير تدبال نضيف الماء غليان
فجميع وصفات اللحم أو الدجاج أو أي حاجة كيخصها تتمرق كنضيف الماء غليان كيساعد باش تغلي بسرعة والأهم أنه من الأفضل الحاجة لي سخونة تتمرق بماء ساخن
غير تطيب الدجاجة نضيف الزيتون و الحامض ونغطيها ونخلي الدجاجة تتشرب طعم الزيتون والحامض ونحيدها ونخلي المرش تتشرب وتختر مزيان
ندخل الدجاجة للفرن تتحمر مزيان
وكيف سبق وقلت في وصفة سابقة أنا مكندهنش الدجاج باش يتحمر بل كنعتامد على الدهن الموجود فالجلد
وكيف كتشوفو الدجاجة محمرة مزيان وهاد الصور كلها طبيعية يعني ماعملتش عليها تأثيرات بالفطوشوب أو بيكاسا
بعضالنصائح و الملاحضات : الدجاج منين كنكون مزروبة كنطيبو فالكوكوط كنسد عليه من 20 ل 30 دقيقة الصدرة دائما تكون لتحت
وباش الرجيلات يبقاو مجموعين وقت تتحمر كنطيب الدجاج بوقت كافي قبل ما نبغي نقدمها ونهزها من المرق ونخليها تنشف مزيان ودائما تكون منزلة الصدرة لتحت والأفضل الإناء لي نعملها تنشف فيه يكون إناء ضيق شوية باش يخليها مجموعة وهي غير كتنشف كتبقا شادة راسها مزيان
ندخل الدجاجة للفرن تتحمر مزيان
وكيف سبق وقلت في وصفة سابقة أنا مكندهنش الدجاج باش يتحمر بل كنعتامد على الدهن الموجود فالجلد
وكيف كتشوفو الدجاجة محمرة مزيان وهاد الصور كلها طبيعية يعني ماعملتش عليها تأثيرات بالفطوشوب أو بيكاسا
بعضالنصائح و الملاحضات : الدجاج منين كنكون مزروبة كنطيبو فالكوكوط كنسد عليه من 20 ل 30 دقيقة الصدرة دائما تكون لتحت
وباش الرجيلات يبقاو مجموعين وقت تتحمر كنطيب الدجاج بوقت كافي قبل ما نبغي نقدمها ونهزها من المرق ونخليها تنشف مزيان ودائما تكون منزلة الصدرة لتحت والأفضل الإناء لي نعملها تنشف فيه يكون إناء ضيق شوية باش يخليها مجموعة وهي غير كتنشف كتبقا شادة راسها مزيان
طريقة السفرجل : 1 حبة سفرجل + من 3 إلى 4 م ك سكر حسب دوقكم + ربع م ص قرفة + قبصة رشة ملح + ماء
الطريقة واضحة في الصورة
الطريقة واضحة في الصورة
وصفتنا جاهزة بالصحة والراحة
لا تنسوني من صالح دعائكم ولكم بالمثل بحول الله
atbarkallah wasfatak kolhom kayham9oni atbarkallah okhlasss makynch chi wasfa adyalak ali jrbtha omasd9atch allah ihafdak oykhalilak olidatak akhtii
RépondreSupprimerWasfa ladiiiida llah ye3tik se7a
RépondreSupprimer