السلام عليكم ورحمة لله وبركاته
هاد الوصفة من إبتكاري والحقيقة اني وجدتها الأسبوع لي فات وكانو جايين عندي حماتي وحماي
وطبعا ما ارتحت حتى شكروها بزاف
ولي زاد فرحني أني وخا وجدت العشا طلبو مني نسخن لي بقا من الوصفة ههههههههه لدالك قررت نشارككم بيها إن شاء لله
هاد الوصفة من إبتكاري والحقيقة اني وجدتها الأسبوع لي فات وكانو جايين عندي حماتي وحماي
وطبعا ما ارتحت حتى شكروها بزاف
ولي زاد فرحني أني وخا وجدت العشا طلبو مني نسخن لي بقا من الوصفة ههههههههه لدالك قررت نشارككم بيها إن شاء لله
لمقادير : دجاجة + كروفيت + 1 فلفة حمرا + نصف كأس صغير زيتون مقطع + 2 وريقات الرند (ورق سيدنا موسى)
7 حبات طماطم + نص بصلة + زيت بلدية + إبيلي لي هو القمح
مقادير الشرمولة :
قزبور مقطع رقيق + ثوم محكوكة تقريبا 8 حبات + نصف م ص سكنجبير + نصف م ص كامون + م ك عامرة تحميرة + ربع م ص خرقوم + نصف م ص زعتر + ربع م ص إبزار + شوية زعفران شعرة + ملح حسب الدوق
الطريقة : كنخلط جميع مقادير الشرمولة ونحيد منهم م ك نحتافض بيه
نشرمل الدجاجة مزيان من برا ومن داخل وبين الجلد ونعمل فيها ثقوب صغيرة باش تتشرب الشرمولة مزيان
7 حبات طماطم + نص بصلة + زيت بلدية + إبيلي لي هو القمح
مقادير الشرمولة :
قزبور مقطع رقيق + ثوم محكوكة تقريبا 8 حبات + نصف م ص سكنجبير + نصف م ص كامون + م ك عامرة تحميرة + ربع م ص خرقوم + نصف م ص زعتر + ربع م ص إبزار + شوية زعفران شعرة + ملح حسب الدوق
الطريقة : كنخلط جميع مقادير الشرمولة ونحيد منهم م ك نحتافض بيه
نشرمل الدجاجة مزيان من برا ومن داخل وبين الجلد ونعمل فيها ثقوب صغيرة باش تتشرب الشرمولة مزيان
عملت شوية الزيت فالطنجرة والشرمولة لي احتفضت بيها والفلفة حمرا مقطعة مكعبات صغيرة وخليتهم شوية حتى بدا الفلفل يدبال ثم ضفت الكروفيت وغير تشحر شوية ضفت 1 كاس إبيلي (قمح سريع التحضير ) خلطت كلشي وزدت عليهم كاس وربع ماء وغطيتهم يطيبو غير على ما ينشف من الماء كيكون باقي مطاب مزيان لانه باقي غادي يكمل طياب
عملت الطماطم فالخلاط مع نصف بصلة وكاس د الماء وزننننننننننننن طحنت الكل وخويتهم بالمول وضفت عليهم جنيوحات الدجاجة والعنق والزيتون ولي بقالي من الشرمولة بعد ما ترقدات الدجاجة خلطت و كلشي
عمرت الدجاجة وسديتها وربطت ليها الرجيلات ونزلتها فوسط الصلصة لي وجدت الصدرة تكون لتحت
غطيتها بألمنيوم ودخلتها لفرن ساخن من قبل على 200 درجة
ضروري تكون حرارة الفرن عالية فالأول حتى تبدا الصلصة تغلي غاد نقصت ل 180 درجة
بعد ما طابت الدجاجة حيدتها ودخلتها للفرن تتحمر بالمناسبة
أنا مابقيتش كندهن الدجاج باش يتحمر لا بلا بزبدة ولا حتى حاجة
كنعتامد فقط على الدهن الموجود فالجلد وكيتحمر مزيان
نزلت المول على العافية باش الصلصة تتشرب أكثر وترجع مركزة وضفت عليها شوية من الحشوة لي بقات لي
أنا مابقيتش كندهن الدجاج باش يتحمر لا بلا بزبدة ولا حتى حاجة
كنعتامد فقط على الدهن الموجود فالجلد وكيتحمر مزيان
نزلت المول على العافية باش الصلصة تتشرب أكثر وترجع مركزة وضفت عليها شوية من الحشوة لي بقات لي
وهاهي واجدة
المداق كيجي مختلف بزاف قريب لمداق الحوت معمر
نتمنى تجربوها وتنال إعجابكم
المداق كيجي مختلف بزاف قريب لمداق الحوت معمر
نتمنى تجربوها وتنال إعجابكم
بالصحة والراحة
لا تنسوني من صالح دعائكم
khti tbarklah 3lik ou bghit nswlak wach darouri hadak Ebly awla n9adro n3awdooh b 9am7 mn l7anoot ou ndiro lih nafs tari9a (mrc
RépondreSupprimer