إضغط على الصورة لمشاهدتها بالحجم الطبيعي
وصفة اليوم بسطيلة الدجاج بطريقتي طريقة ساهلة والنتيجة رائعة ولديدة بزاف
المقادير : دجاج (أنا عملت دجاجة و2 أفخاد من أخرى) + 4 حبات متوسطة بصل +
باقة بقدونس + م ص سمن + م ص سكنجبير + رشة خرقوم بلدي + نصف م ص إبزار +
ربع م ص كمون + ربع م ص قرفة مطحونة + عود قرفة + 1 زعفران + شوية زعفران شعرة +
ملح حسب الدوق + 4 م ك سكر + نصف كيلو ورقة البسطيلة + زبدة لدهن الورقة +4 بيضات
شوية عسل تقريبا 2 م ك + سكر بودرة + قرفة + شرائح لوز + 200 غ لوز مسلوق مقشر ومقلي ومطحون
بغيت نوريكم حتى يدي اليمنى فالطبخ هههههه لي كتسهل عليا كولشي
الطريقة : كنشرمل الدجاج بالربيع و1 بصلة وكل التوابل ماعدا السكر ونخليهم يترقدو 2 سعات
عملتهم فالطنجرة يتشحرو شوية وضفت عليهم البصل والسكر وغطيتهم وخليتهم يزيدو يتشحرو البصل كيطلق الماء
والسكر يدوب وضفت عليهم نصف ليتر ماء وسديت الطنجرة 30 دقيقة
نتأكد أن الدجاج كلو مغرق فالمرق بعد مايطيب نحيد الدجاج نقيه من العظيم ومن الجليدات
ونخلي المرق تختر مزيان
هنا فرتت الدجاج والمرق أصبح جاهز والبصل يشهي
نضيف البيض مع شوية ملح نخلط الكل ونخلي البيض ينشف شوية من المرق
ثم نضيف الدجاج ونخلط الكل
هنا انا استخدمت مول دائري لأني حبيت البسطيلة تكون بنفس حجمه
فرشت 5 ورقات ودهنتهم بالزبدة وعملت اللوز ثم الدجاج كامل وجمعت بالورقة
ثم قلبتها في صينية الفرن ودهنتها بالزبدة وغطيت ب 2 ورقات مرة أخرى كيف باين فالصرة
ثم دهنت بالزبدة ودخلتها الفرن مسخن من قبل على 200 درجة
بعد ما تقرمشت وبدات تتحمر دهنتها مزيان بالعسل ورديتها مرة أخرى للفرن
حمرت شرائح اللوز في الفرن وعملتهم فوقها ممكن تتقدم بهاد الطريقة مع إضافة رشة عسل فوق اللوز
لكن أولادي تعجبهم بالسكر والقرفة فأضفنا سكر بودرة وقرفة والنتيجة كانت رائعة
إن شاء لله تجربوها بطريقتي وتدعولي
بالصحة والراحة
لا تنسوني من صالح دعائكم ولكم بالمثل بحول الله
ممكن اختى الله يرحم ليك الوالدين تشرحلي اكتر كيفاش حطيتى ورقه البسطيله من الاول للاخر لانى عجينى تفراش و الغطا و التلماط هههه و هاد الطريقه صراحه عمرى ما شفتها زوينه بزاف .
RépondreSupprimer