السلام عليكم ورحمة لله وبركاته
وصفة اليوم هي لحم المعز بالبرقوق
بسم الله على بركة الله
المقادير : لحم حسب الحاجة أنا هنا عملت كتف مقطع + 2 حبات بصل كبيرة + ربيطة معدنوس + 2 حبات ثوم
2 وريقات الرند (ورقة موسى) + 1 زعفران + م ص سكنجبير + نصف م ص إبزار + نصف م ص قرفة + أعواد قرفة +
ربع م ص خرقوم بلدي + ملح حسب الدوق + طريف صغيييير سمن + زيت بلدية
طحنت نصف حبة بصل مع المعدنوس والثوم وضفت الزيت وكل التوابل المدركوة إلا السمن ورقدتهم تقريبا ساعة
رديتهم على المجمر وضفت طريف صغييير سمن كيف باين فالصورة الثالثة شحرتهم شوية وضفت باقي البصل وغطيت الطنجرة وخليتهم يتشحرو
ضفت الماء الكافي وسديت الطنجر لمدة 1 ساعة منين بدات تصفر
منين طابت خليتها تختر وقدمتها مع البرقوق والبيض
بالصحة والراحة
لا تنسوني من صالح دعائكم ولكم بالمثل بحول الله
0 commentaires:
Enregistrer un commentaire